“Милан” келажак юлдузини Гвардиолага бермади

“Милан” мураббийлари 15 ёшли ҳужумчи Франческо Камардани ажойиб футболчи қилиб тарбияламоқда.

Ёш ўйинчининг довруғи Англия ва Германия томонларга етиб борди. “Манчестер Сити” ҳамда “Боруссия Дортмунд” клублари мутасаддилари Франческони сўраб, миланликларга мурожаат қилди.  

“Милан” раҳбарияти эса ҳозирча ёшлар жамоасида тўп тепаётган ҳужумчини бошқа жамоага бермаслигини таъкидламоқда.

Қолаверса, Франческо Камарданинг ўзи келажакда “Милан” учун ўйнаб, клубнинг афсонасига айланишни орзу қилмоқда.  Футболчининг танлови “Милан” мутасаддиларини анча хотиржам тортишига сабаб бўлди.