Милан Митрович: "Худо хоҳласа, финалда ўйнаймиз"

5 октябрь куни “Сўғдиёна” ОФК Кубоги ярим финалида Жиззахда Малайзиянинг “Куала-Лумпур Сити” жамоасини қабул қилади.

“Сўғдиёна” чемпионат доирасида ўз уйида АГМКга ютқазиб қўйди. Энди асосий эътиборини ОФК Кубогига қаратган. Жамоанинг биринчи рақамли дарвозабони Милан Митрович бўлажак ўйинга тайёргарлик хусусида Sports.uz учун шундай деди:

“Бундай мағлубиятдан кейин кайфият ёмон. Аммо кейинги ўйинга тайёргарлик кўриш керак. Биз ҳозирча рақибни таҳлил қилмадик.

Ўйинга тайёргарлик кўришимиз учун яна бироз вақтимиз бор. Бу қандай жамоа ва ўйинчилари ким эканлигини билмайман. Лекин улар ОФК Кубоги ярим финалига чиқишган экан, демак, бу яхши ва кучли жамоа.

Бизда бўлажак баҳсга руҳий томондан яхши тайёргарлик кўришдан бошқа ҳеч нима қолмаяпти. Ишқибозларимизнинг қўллаб-қувватлаши остида биз ғалаба қозонамиз. Худо хоҳласа, финалда ўйнаймиз, - дейди Митрович.