"Милан" Пулишичнинг трансферини қачон расмийлаштириши маълум

"Челси" вингери Кристиан Пулишич тез орада "Милан" либосини кияди.

24 ёшли америкалик "аристократлар"дан уни А Серия клубига қўйиб юборишларини сўради. Инсайдер Фабрицио Романонинг янгиланган маълумотларига кўра, трансфер бўйича музокараларнинг якуний босқичи бугуни бўлиб ўтади ва шундан сўнг томонлар муросага келиши кутилмоқда. “Россонерилар” вакиллари келишув 24-48 соат ичида якунланишига ишонч билдиришмоқда.

Кристиан Пулишич 2019 йилдан бери “Челси” шарафини ҳимоя қилиб келмоқда. Ўтган давр мобайнида у лондонликлар таркибида жами 145 та ўйин ўтказиб, 26 та гол урди ва 21 голга ассистентлик қилди.