"Milan" "Roma" hujumchisi uchun kurashni davom ettirmoqda

Jurnalist Janluka Di Martsioning ma’lumotiga ko‘ra, "Milan" hali ham "Roma" hujumchisi Artyom Dovbikni o‘z saflariga qo‘shib olish niyatida.

Avvalroq ikki klub Dovbikni Santyago Ximenesga almashish imkonini muhokama qilgani haqida xabar berilgan edi. Biroq, meksikalik futbolchi jamoasini tark etishga rozi bo‘lmadi.

Shunga qaramay, "rossoneriliklar" ukrainalik forvardni turli yo‘llar bilan olishga urinishda davom etadi. Xususan, ijara asosida olish varianti ham ko‘rib chiqilayotgani aytilmoqda.

"Roma" esa futbolchiga o‘rinbosar topsa, Dovbik bilan xayrlashish ehtimolini inkor etmayapti.

Ma’lumot uchun, o‘tgan mavsum Dovbik A Seriya doirasida 32 ta o‘yinda maydonga tushib, 12 ta gol urgan.