Милан Шкриньяр: "ПСЖ каби клуб сизни қўлга киритмоқчи бўлса, қарор тезда қабул қилинади"

Милан Шкриньяр ПСЖга ўтганидан кейин ўз фикрлари билан ўртоқлашди.

"Жуда бахтлиман, ўзимни ажойиб ҳис қиляпман. Бундай клубга қўшилганимдан жуда хурсандман. ПСЖ - дунёнинг энг яхши клубларидан бири, бу ерда жаҳон даражасидаги футболчилар ўйнашади. Бундан ташқари жамоанинг ақл бовар қилмайдиган мухлислари бор.

- Нега ПСЖни танладингиз?

- Бу осон танлов эди. ПСЖ каби клуб сизни қўлга киритмоқчи бўлса, қарор тезда қабул қилинади. Мен кўчиб ўтиш имкониятини билганимда жуда хурсанд бўлдим. ПСЖнинг кўплаб ўйинларини кўрдим. Бу ерда қандай буюк футболчилар тўпланганини ҳамма билади.

Бу дунёнинг энг яхши клубларидан бири эканлигини биламан. Қарор қабул қилиш учун бир сония керак бўлди! Мен янги жамоадошлар билан иш бошлашни интиқлик билан кутаман, барча билан учрашишни хоҳлайман”, - дейди Шкриньяр.

Ҳимоячи эркин агент сифатида парижликлар сафига келиб қўшилди. У янги жамоаси билан 2028 йилга қадар амал қиладиган шартномага имзо чеккан.