"Милан" трансферлар ойнасида МЮ ҳимоячисини сотиб олмоқчи бўлган

"Манчестер Юнайтед"нинг марказий ҳимоячиси Маттейс де Лигт "Милан" клубининг эътиборини тортган эди."Россонери"лар ўтган ёзда нидерландиялик футболчини сотиб олиш имкониятини кўриб чиққан.

"Milan Posts" нашрининг хабар беришича, Италия клуби 26 ёшли ўйинчи бўйича сўров юборган, бироқ "қизил иблислар" жуда юқори нарх белгилагани сабабли тезда бу ғоядан воз кечган. Transfermarkt портали Маттейс де Лигтнинг қийматини 38 миллион еврога баҳоламоқда.

Ҳимоячининг "Манчестер Юнайтед" билан амалдаги шартномаси 2029 йилгача амал қилади. Марказий ҳимоячи 2019 йилдан 2022 йилгача "Ювентус" сафида тўп тепиб, Италия А серияси билан аллақачон таниш.