"Милан" хавбеки учун АПЛнинг 3 та клуби кураш олиб бормоқда

"Милан" клуби ярим ҳимоячиси Франк Кессьега Англия премьер-лигаси клубларидан жиддий қизиқишлар бўлмоқда.

Tuttosport нашри тарқатган хабарга кўра 22 ёшли ивуарлик футболчини "Вест Хэм", "Тоттенхэм" ва "Эвертон" клублари ўз сафида кўрмоқчи. "Россонерилар" эса уни 40 миллион евродан камига қўйиб юбормоқчи эмас.

Ўз навбатида "Милан" Кессье ўрнига "Эмполи"дан Исмоил Бенносирни сотиб олади.

Маълумот учун, Кессье ўтган мавсумн “Милан” сафида жами 42та ўйинда майдонга тушди ва 8та гол ҳамда 2та голли узатмага муаллифлик қилишга эришди.