Миллатлар лигасининг ярим финалига қуръа ташланди

УЕФА Миллатлар лигасининг ярим финал жуфтликлари номи маълум бўлди.

Бугун 3 декабрь куни Швейцариянинг Ньон шаҳрида мусобақанинг финал босқичига қуръа ташланди. Унга кўра, 1-гуруҳ ғолиби бўлган Италия бу босқичда 4-гуруҳ ғолиби Испания терма жамоасига қарши ўйнайди. 2-гуруҳда тенгсиз бўлган Бельгияга 3-гуруҳ ғолиби Франция рақиблик қилади.

Италия – Испания учрашуви 2021 йилнинг 6 октябрь куни, Бельгия – Франция ўйини эса 2021 йилнинг 7 октябрь куни бўлиб ўтади. Финал учрашуви 10 октябрь куни бўлиб ўтади.

УЕФА Миллатлар лигасининг бу сафарги финал босқичига Турин ва Милан шаҳарлари мезбонлик қилади.