Миллий чемпионатлар мавсумни якунлай оладиларми? УЕФА президенти ўйлантираётган муаммо ҳақида нима деди?

УЕФA президенти Aлександр Чеферин футболдаги ҳозирги вазият ҳақида гапирди.

Кўпгина Европадаги лигалар март ойида коронавирус пандемияси туфайли мавсумни тўхтатиб қўйишганди. Чемпионатларнинг қачондан давом эттирилиши эса муаммоли ҳолат бўлиб турибди ва бу жараён УЕФА президентини ҳам ўйлантириб қўйган. 

"Биз УЕФA Ижроия қўмитаси саналарни тасдиқлашини кутишимиз керак. Aгар ҳеч нарса ўзгармаса, аминманки, мавсумни, яъни УЕФA Чемпионлар Лигаси ва Европа лигаси  турнирларини якунлай оламиз.

Миллий чемпионатлар - бу алоҳида нарса ва улар қандай ҳаракат қилишларини ўзлари ҳал қилишади, аммо юқорида айтиб ўтганимдек, лигаларнинг камида 80 фоизи мавсумни тугатади, деб ўйлайман", - дейди Чеферин.