Мино Райола: "Реал"нинг Погбага қизиққани рост, аммо...

“Манчестер Юнайтед” клуби хавбеки Поль Погбанинг агенти Мино Райола мижозининг жамоадан кетиши мумкинлиги ҳақида тарқалган хабарларга ўз муносабатини билдириб ўтди.

“Погба муваффақиятга эришишни, бахтли бўлишни ва совринлар ютишни хоҳлайди. У буларни “Манчестер Юнайтед” сафида амалга оширмоқчи. Ҳа, “Реал” Мадрид томонидан Погбага жиддий қизиқишлар бўлди, аммо, “қизил иблислар” уни қўйиб юборишмади”, - дейди агент.

Эслатиб ўтамиз, бундан аввалроқ МЮ бош мураббийи Уле-Гуннер Сульшер ҳам Погба қишки трансферлар даврида сотилмаслиги ҳақида гапириб ўтган эди.