Миржалол Қосимов "Хоразм" устидан қозонилган ғалабадан сўнг нималар деди?

Ўзбекистон кубоги чорак финалидан ўрин олган ОКМК - "Хоразм" баҳсидан сўнг сўнг "кончилар" бош мураббийи Миржалол Қосимов ўйинга бўлган ўз фикрларини билдириб ўтди.

"Ўзбекистон кубогида энг юқори мақсадни кўзлаганмиз. Қуръада бизга қулай Про лига жамоаси тушган эди. Шу боис ҳам чорак финалда ғолиб чиқишимиз шарт эди. Лекин омад бошқа нарса, амалда исботлаш бошқа нарса.

Етакчи футболчиларни баъзиларига дам беришга қарор қилдик. Шунга қарамай биринчи бўлимда яхши ўйин намойиш этиб йирик ҳисобда ғалаба қозондик. Иккинчи бўлимда имкон даражасидаги барча бешта ўзгаришларни амалга ошириб ротацияга қўл урдик. Бир томондан йигитлар ўйинда бироз бўшашишди. Шунинг учун ҳам дарвозамиздан 2 бор гол ўтказиб юбордик.

Муҳими ғалаба эди ва бунга эришдик. Ярим финалга йўл олганимиз билан шогирдларимга ҳам раҳмат айтаман ва жамоа муҳлисларини табриклайман. Насиб қилса кейинги босқичларда ҳам яхши ўйинларни намойиш этиб бош совринни ўзимизники қилиш учун бор кучимизни ишга соламиз", - деди Қосимов.