ММА жангчиси ўқотар қурол билан қўлга олинди

Аралаш яккакураш устаси Михаил Аллахвердян (9-2) Москвада қўлга олинди. Бу ҳақда "Sport Baza" телеграм канали хабар бермоқда.

Воқеа 5 майга ўтар кечаси содир бўлган. Аллоҳвердяннинг машинаси йўл-патрул хизмати ходимлари томонидан тўхтатилган, кўздан кечириш чоғида спортчининг сумкасидан қўлбола тўппонча топилган.

Михаилнинг сўзларига кўра, у қуролни топиб олган ва уни полицияга топширмоқчи бўлган.

Тўппонча экспертиза учун юборилиб, жангчи жиноий жавобгарликка тортилди.

Маълумот учун, 33 ёшли Михаил Аллаҳвердян профессионал дебютини 2013 йилда ўтказиб, ҳозирга қадар "Brave", RCC, АCА ва "AMC Fight Night" каби промоушенларда иштирок этган.