Модрич фаолиятини якунлашга қарор қилди

«Милан» яримҳимоячиси Лука Модрич яқин ойларда профессионал футбол билан хайрлашиши мумкин.

Хорватия терма жамоаси юлдузининг «россонери» билан амалдаги шартномаси якунланиш арафасида. Ҳужжатга кўра, келишувни яна бир йилга узайтириш имконияти бор, бу қарорни футболчининг ўзи қабул қилади. Аммо инсайдер Николо Скира маълумотича, 40 ёшли хавбек фаолиятини давом эттириш ниятида эмас ва жаҳон чемпионатидан сўнг бутунлай катта спортдан кетишни режалаштирган.

Мундиаль 11 июндан 19 июлгача АҚШ, Канада ва Мексика стадионларида ўтказилади. Хорватия терма жамоаси гуруҳ босқичида Англия, Панама ва Гана терма жамоаларига қарши майдонга тушади.

Аввалроқ оммавий ахборот воситаларида Модрич «Милан»ни тарк этишга қарор қилгани, бунга клубнинг Чемпионлар лигасига чиқа олмагани асосий сабаб бўлгани ҳақида хабарлар тарқалган эди.