Модрич Мбаппенинг "Реал"га ўтиши ҳақида гапирди

"Реал" Мадрид ярим ҳимоячиси Лука Модрич ПСЖ ҳужумчиси Килиан Мбаппенинг “қироллик клуби”га ўтиши мумкинлиги тўғрисида ўз фикрини билдириб ўтди.

“Журналистлар эҳтимолий трансферлар ҳақида мунтазам ёзишади. Мбаппе – топ даражадаги футболчи. У буни клубда ҳам, терма жамоада ҳам исботлади. “Реал” буюк футболчиларни қабул қилишдан ҳамиша хурсанд бўлган.  Бироқ ҳозир бу ҳақда ортиқча гапириш нотўғри. Нималар бўлишини кейин кўрамиз”, - деди хорватиялик футболчи.

22 ёшли Мбаппенинг ПСЖ билан амалдаги шартномаси 2022 йилга қадар имзоланган ва у ушбу келишувни узайтиришни хоҳламаяпти. Шу сабабли Париж клуби уни жорий ёзги трансферлар даврида 130-140 млн евро миқдоридаги маблағ эвазига сотиб юбориши айтилмоқда.

Мбаппе жорий мавсум 37 та ўйинда майдонга тушди ва рақиблари дарвозасига 29 та гол урди.