Монакода ким қанча очко ишлади?

"Формула-1"нинг 2024-йилги мавсумининг 8-Гранд-Приси якунланди. Пойгада Леклер ғолиб чиқиб 25 очко ишлаб олди ва ҳайдовчилар жадвалида Макс Верстаппен билан орадаги очколар сонини 11 тага қисқартирди. Норрис ва Сайнс Перезни 3-ўриндан 5-пағонага тушириб юборишди.

Конструкторлар Кубоги жадвалида “Ред Булл” 276 очко билан жадвалнинг юқори жойини эгаллаб турибди. Рўйхатда ягона ўзгариш “Уилямс”нинг 2 очко эвазига 8-ўринга чиққани бўлди. Жамоалар орасида ҳали бирорта очко ишлаб ололмаган жамоа бу “Кик Заубер” бўлиб қолмоқда.