"Монстр" ва "Канело" ўртасидаги қарама-қаршиликни яқин орада кўрмаймиз шекили, чунки...

WBC раҳбари Маурисио Сулаймон сўнгги бир неча ҳафта ичида суперўрта ва ярим оғир вазнда жаҳон чемпиони унвонлари учун мажбурий даъвогар бўлган Дэвид Бенавидес (29-0, 24 КО) ниҳоят бошқа вазндаги камар учун курашишга қарор қилганини маълум қилди. 

Шу тариқа Бенавидес октябрь ойида Дмитрий Бивол (23-0, 12 КО) ва Артур Бетербиев (20-0, 20) ўртасида ўтказилиши режалаштирилган мутлақ чемпионлик  жанги ғолибига мажбурий рақиб бўлади.

Шу билан бирга, WBC камари соҳиби Саул Альварес (61-2-2, 39 КО) Бенавидес билан ҳимояланиш мажбуриятидан озод этилди. "Монстер" ва "Канело" ўртасидаги қарама-қаршилик бутун дунёдаги бокс мухлислари томонидан энг кўп кутилган учрашувлардан бири эди, бироқ Альварес шошилмади ва энди Бенавидесга қарши жанг қилишдан бош тортгани учун WBC камарини қўлдан чиқармайди.