Моуриньо: Мен Асенсиодан норозиман
Жозе ўйинчини танқид қилди
«Реал» клуби бош мураббийи Жозе Моуриньо жамоа ҳимоячиси Рауль Асенсио атрофида юзага келган можаро ҳақида фикр билдирди.
Маълумки, футболчига вояга етмаган қиз билан боғлиқ ҳолда интим видеони ёзиб олиш ва тарқатиш иши бўйича судда жавоб беришга тўғри келди.
«Мен Рауль Асенсиодан мамнун эмасман. У катта профессионал, унга ўхшаб машқ қиладиган футболчи кам. Лекин у – “Реал” ўйинчиси. Майдондан ташқарида ҳам шу клуб вакили бўлиб қолади. Майдондан ташқарида қиладиган ишларинг клуб обрўсига таъсир қилади. Шунинг учун айтаяпман: ундан норозиман», – деди Моуриньо матбуот анжуманида.
Жорий мавсумда Рауль Асенсио мушак жароҳати сабабли ҳали «Реал» таркибида бирор ўйинда майдонга тушгани йўқ. Унинг мадридликлар билан тузган шартномаси 2031 йил 30 июнига қадар амал қилади.
Изоҳлар (0)