Моуриньо "Реал"га ҳеч ким кутмаган футболчини сардор қилиб тайинлайди

Мадриднинг «Реал» жамоаси бош мураббийи Жозе Моуриньо жамоа сардорлигини Килиан Мбаппега топширишни режалаштирмоқда. Бу ҳақда испан гранди фаолиятини ижтимоий тармоқларда яқиндан ёритиб борувчи журналист Игнасио Санчес хабар берди.

Манба маълумотига кўра, Моуриньо ҳозирги етакчилар – Федерико Вальверде, Тибо Куртуа ва Винисиус Жуниордан сардорлик ваколатини олиб қўйишни ўйлаяпти. 

Айтилишича, португалиялик мутахассис икки жанубий америкалик футболчидан умуман воз кечиш вариантини ҳам кўриб чиқмоқда, чунки уларнинг жамоа ичидаги таъсирини «жуда заҳарли» деб баҳоламоқда. Куртуа борасида эса Моуриньо дарвозабонга  ҳам сардорлик боғичини топшириш тарафдори эмас.

Хабарларга қараганда, Моуриньо биринчи рақамли капитан сифатида Килиан Мбаппени кўришни истамоқда. Унга ўринбосарлар сифатида Антонио Рюдигер ва Жуд Беллингем тайинланиши режалаштирилган.