Моуриньо "Реал"га ҳеч ким кутмаган юлдузни чақиряпти

«Наполи» ярим ҳимоячиси Скотт Мактоминей фаолиятини «Реал Мадрид»да давом эттириши мумкин. Бу ҳақда инсайдер Николо Скира хабар берди.

Манба маълумотига кўра, шотландиялик футболчини мадридликлар сафига қўшиб олиш ташаббуси шахсан жамоанинг бош мураббийи Жозе Моуриньодан чиққан. 

Португалиялик мутахассис аввал «Манчестер Юнайтед»да ишлаган пайтида Мактоминей билан бирга фаолият юритган.

Скотт Мактоминай 2024 йилда «Манчестер Юнайтед»дан «Наполи»га 30 миллион евро эвазига ўтган эди. Унинг амалдаги шартномаси 2028 йил 30 июнига қадар мўлжалланган. 2025/26 йилги мавсумда ярим ҳимоячи неаполликлар сафида барча мусобақалар доирасида 44 та ўйин ўтказиб, 14 та гол урди ва 4 та голли узатма муаллифига айланди. Transfermarkt портали Мактоминайнинг бозор қийматини 40 миллион евро атрофида баҳоламоқда.