Mourin'yo: Vinisius bilan o‘zim gaplashaman!

Madridning «Real» jamoasi bosh murabbiyi Joze Mourinyo hujumchi Vinisius Juniyor bilan shartnomani uzaytirish bo‘yicha muzokaralarga shaxsan qo‘shilish istagini bildirgan. 

Hozirgi kelishuv 2027 yil yoziga qadar amal qiladi, deb xabar bermoqda Sport.es nashri.

Manba ma’lumotiga ko‘ra, portugaliyalik mutaxassis o‘z qo‘l ostida «Qirollik klubi»ning barcha yetakchi yulduzlari — Vinisius, Kilian Mbappe va Jud Bellingem birga o‘ynay olishiga ishonmoqda. 

Mourinyo braziliyalik vinger bilan yuzma-yuz suhbatlashib, uni «Real»ning yangi loyihasidagi eng muhim figuralardan biriga aylanishiga ishontirmoqchi.

Avvalroq ommaviy axborot vositalari Vinisius va «Real» maosh masalasida kelisha olmayotgani haqida xabar bergan edi. Futbolchi yiliga taxminan 30 million yevro atrofida maosh olishni istamoqda, bu Kilian Mbappe daromadiga yaqin miqdor hisoblanadi. Biroq klub rahbariyati hozircha bunday shartlarga rozi emas.