Моуриньо: "Бенфика"нинг таклифини рад этиб бўлмайди"

Жозе Моуриньо Португалияга қайтиб, "Бенфика" бош мураббийи сифатида иш бошлаш арафасида экани ҳақида гапирди.

"Самолётга чиқишимдан олдин мендан "Бенфика"ни бошқариш қизиқми, деб сўрашди. Менга қизиқ, деб жавоб бердим. "Бенфика" расман ҳам қизиқишим бор-йўқлигини сўради. Мен ҳозир хориждаман, лекин қайтиб келгач, мамнуният билан суҳбатлашишим мумкинлигини айтдим.

"Бенфика"ни бошқариш имконияти пайдо бўлганида, кўп ўйламадим: бу мен учун қизиқ. Қайси мураббий "Бенфика"дан воз кечиши мумкин? Мен эмас.

Клубга қайтиш – бу карьерамнинг якунланиши эмас. Яқинда клубимни тарк этгандим, тўрт ҳафтача бўлди. Мавсум охиригача ишсиз қолишни режалаштирмаганман – бу менинг услубим эмас. Мен доим ишлашни хоҳлайман.

Ўзимга "ҳис-туйғуларни мувозанатга келтириш керак, шошилиб ҳар қандай клубга рози бўлиш тўғри эмас" деб айтдим. Лекин бу ҳолатда таклиф келганда иккиланмадим – мен учун қизиқ эди ва хоҳлагандим", – деди Моуриньо Тириш аэропортида.