Моуриньо бир қарорга кела олмаяпти

Жозе Моуриньо "Рома"да ҳар хил тактикани синаб кўрмоқда. Аммо ҳозиргача аниқ бир тўхтамга келмаган. Яъни жамоага тўғри келадиган услубни топа олмади.

Римликлар 4-2-3-1, 4-3-1-2, 4-1-3-2 ва ҳоказо тактикаларни синовдан ўтказди. Бугун португалиялик мутахассис 4-3-1-2га мурожаат қилиши кутилмоқда. Бу ҳақда "la gazzetta dello sport" нашри хабар берди.

Бундай услуб қўлланилишининг сабаби асосан таркибдаги йўқотиш билан боғлиқ. Чунки жамоадаги айрим футболчиларда коронавирус аниқланган ва жароҳат олган ўйинчи ҳам бор. Шунинг учун Жозе 4-3-1-2 тактикасини қўллайди. Бунда ҳужумда Тэмми Абрахам ва Феликс Афена-Гьян ҳаракат қилади.

Бугун "Рома" ўз уйида "Верона"ни қабул қилади. Учрашув Тошкент вақти билан 22:00да бошланади.

"Рома" учун муҳим ўйин