Моуриньо :«Бу адолатсизлик»

«Реал» бош мураббийи Жозе Моуринью матбуот анжуманида жамоаси ва «Барселона» ўртасидаги таққослашлар ҳақида фикр билдирди.

- Сизнингча, одамлар «Барселона»ни ортиқча мақтаб, «Реал»ни эса ҳаддан ташқари танқид қилаяптими?

- Агар бир ҳафта олдин кимдир биз йирик ҳисобда мағлуб бўлишимизга ишонган бўлса, эҳтимол, ҳали ҳам ўша фикрда қолган. Одамлар «Барселона» ҳақида илиқ гапиришидан мен безовта эмасман. Ростини айтсам, улар бу мақтовларга арзийди, чунки жуда кўп яхши иш қилишяпти.

Бизга келсак… биз ҳақимизда кўпинча «бутунлай шаклланган жамоа» сифатида гапиришади, лекин бу ҳақиқатдан анча йироқ. Биз бор-йўғи уч ойдан бери бирга ишлаяпмиз, мавсумолди тайёргарлик ҳам футболчилар босқичма-босқич жамоага қўшилиб борган шароитда ўтди. 

Ҳозир биз дастлабки босқичдамиз: мураббий футболчиларни ўрганяпти, вазиятни таҳлил қиляпти, кейинги йўлни белгилаяпти. Футболчилар эса, ўз навбатида, мураббийни англаб олишга ҳаракат қилишяпти. Кўп йиллардан бери бирга ўйнаб келаётган жамоа билан бизга ўхшаган янги шаклланаётган таркибни солиштириш – адолатдан эмас, – деди Моуринью.

«Барселона» ва «Реал» ўртасидаги учрашув 25 октябрь куни соат 23:00 да Москва вақти билан старт олади.