Моуриньо: "Ўртамизда ҳеч қандай сир йўқ"

"Рома" бош мураббийи Жозе Моуриньо А Сериянинг 25-туридан ўрин олган "Сассуоло"га қарши ўйин олдидан шогирдлари билан муносабати ҳақида гапирди. 

Эслатиб ўтамиз, "Интер"га қарши ўйиндан сўнг португалиялик мутахассис ўз футболчиларини тўп ва шахсият етишмаслигида айблаганди. 

"Футболчилар менинг иш услубимдан қониқиш ҳосил қилишларини айтишди. Ўртамизда ҳеч қандан сир йўқ. Мен ҳамма гапни уларнинг юзига айтаман ва футболчиларни мулоқотга таклиф қиламан. Жамоадагилар мендан ўзгармаслигимни сўрашди, мен эса уларга ўзгармаслигимни айтдим. 

"Интер"га қарши ўйиндан кейин гаплашдик, хатоларни таҳлил қилдик ва уларни тузатишга ҳаракат қиляпмиз. Мана мен қандай ишлайман", - деди Жозе.