Моуриньо «Реал» ярим ҳимоячиларидан нимани талаб қилишини айтди

«Реал» бош мураббийи Жозе Моуриньо ярим ҳимоячилардан қандай талаблар қўйишини маълум қилди.

Мутахассис футболчилардан ҳужумда самарали ҳаракат қилишни исташини таъкидлади. Португалиялик мураббий жамоасида фақат юқори савияли футболчиларни кўришни хоҳлайди.

«Мен ярим ҳимоячидан ярим ҳимоячи бўлишни талаб қиламан. Фақат ҳимояланадиган ярим ҳимоячи — бу имкониятлари чекланган таянч ярим ҳимоячисидир. Ярим ҳимояда ўйнаш жуда мураккаб. Бу позицияда ҳаракат қилиш учун юқори савияли футболчи ва ажойиб маҳоратга эга бўлиш керак», — дея Моуриньонинг сўзларини «Реал» клубининг расмий сайти келтирди.

Ёзда «Реал» «Манчестер Сити»дан Бернарду Силвани ўз сафига қўшиб олди. Шунингдек, жамоа ярим ҳимоясида Орельен Тчуамени, Федерико Вальверде, Эдуардо Камавинга, Тьяго Питарч, Браим Диас, Жуд Беллингем ва Арда Гюлер ҳам ўйнаши мумкин.