Моуриньо турклардан икки мегаюлдузни олиб келишни талаб қилди

“Фенербаҳче”ни бошқараётган Жозе Моуриньо нафқат мамлакат, балки қитъа миқёсида яхши натижаларни қайд этиш учун таркибда юлдуз футболчилар кўп бўлиши кераклигини таъкидламоқда.

Манбаларга кўра, португалиялик мутахассис клуб хўжайинларидан икки машҳур футболчини трансфер қилишни сўрамоқда.

Милан Шкриньяр:

ПСЖга 2023 йилнинг ёзида кўчиб ўтган Словакия терма жамоаси марказий ҳимоячиси жамоага испаниялик мураббий Луис Энрике бош мураббий этиб тайинланганидан кейин парижликлар учун керакмас ўйинчига айланиб қолди.

Милан Париждан кетиши аниқ. Вазиятдан “Фенербаҳче” фойдаланиб қолиши мумкин. Моуриньо эса, ҳимоя марказини Шкриньярга топширишга тайёр.

Лерой Сане:

Германия терма жамоаси ўйинчисининг “Бавария” билан шартномаси ярим йилдан кейин тугайди. Мюнхенликлар тажрибали ҳужумчининг жамоада қолишини истаяпти.

Лекин Жозе Моуриньо ўзи бошчилик қилаётган “Фенербаҳче”нинг янги лойиҳаси Лерой Санени Истанбулга келишига асос бўлишига ишонмоқда.