Моуриньо яна бир футболчини кўз остига олиб қўйди

Украина терма жамоаси ва "Аталанта" футболчиси Руслан Малиновский ёзда бергамоликлар сафини тарк этиши мумкин эди. Бироқ жамоа бош мураббийи Жан Пьеро Гасперини бунга йўл қўймади. Трансфер ойнаси ёпилди, аммо миш-мишлар ҳамон давом этмоқда.

"Calciomercato" нашри хабарига кўра, Малиновский "Аталанта"дан "Рома"га ўтиши мумкин. Жозе Моуриньо футболчини ўз сафига қўшиб олишни истамоқда ва клуб аллақачон Руслан борасида маълумотлар тўплашни бошлаб юборган.

Таъкидланишича, унга АПЛ клубларидан жиддий таклифлар бўлаётган бўлса-да, Руслан Малиновскийнинг рафиқаси Италияда қолишни афзал кўрмоқда.

"Рома" Руслан Малиновскийни эркин агент сифатида қўлга киритиши мумкин. Сабаби украиналик футболчининг Бергамо клуби билан амалдаги шартномаси келаси йилнинг ёзида тугайди.