Мовсар Евлоев Александр Волкановскини енголмайди, агар...

Америкалик UFC жангчиси Аарон Пико ярим енгил вазнда амалдаги чемпион Александр Волкановски ва россиялик Мовсар Евлоев ўртасидаги баҳс ҳақида ўз фикрларини билдирди.

"Мовсар учун муаммо фақат тейкдаун амалга оширишда эмас, балки Волкановскини партерда ушлаб туришда. Александр жуда ҳаракатчан: у доим тикка ҳолатга қайтишга, масофани узишга ва Евлоевнинг ҳар бир қадамини олдиндан ҳис қилишга уринади. "Стойка"да эса австралиялик анча устун. Шунинг учун менимча, Мовсарга ғалаба қозониш учун омадли зарба, қаттиқ нокаут ёки кутилмаган усул керак бўлади", — дея таъкидлади Пико You Tube даги "Full Mount MMA" каналига берган интервьюсида.

Эслатиб ўтамиз, Волкановски ва Евлоев тўқнашуви 24 октябрь куни "UFC 333" турнирида ўтказилади.