Мовсар Евлоев: “Мен Волкановскини енга оладиган ягона жангчиман”
UFC ярим енгил вазн тоифаси рейтингида биринчи рақамли жангчи Мовсар Евлоев амалдаги чемпион, австралиялик Александр Волкановскига қарши жангга тайёрлигини маълум қилди.
"Мен ҳозир Волкановскини енга оладиган ягона йигитман. Лекин агар менга Лёрон ёки Диего билан жанг қилиш керак бўлса, мен буни ҳам бажараман. Мен Диего Лопес, Арнольд Аллен ва Алджамейн Стерлингни аниқ енгдим. Кимдир яна мен билан жанг қилишни истаса, муаммо йўқ", - деди Евлоев Х ижтимоий тармоғида.
Маълумот учун, Мовсар 31 ёшда. профессионал ММА га 2014 йилда қадам қўйган ва 2019 йилдан буён UFC октагонида курашиб келади. Ҳозирги вақтда унинг UFC даги ғалабалари сони — 9 та.
Фикрлар