Муҳаммад Салоҳ ўрнига учтаси

“Ливерпуль”нинг кейинги йиллардаги энг зўр тўпурари Муҳаммад Салоҳнинг клубдаги келажаги мавҳум бўлиб турибди.

Мисрлик ҳужумчининг амалдаги шартномаси мавсум охирида якунланади. Салоҳнинг ўзи ҳали клуб билан ҳамкорликни узайтириш борасида келишиб олгани йўқ.

CaughtOffside нашрининг ёзишича, “қизиллар” Муҳаммад Салоҳ ўрнини босиши мумкин бўлган уч нафар ҳужумкор футболчини топиб қўйди.

Манбага кўра, ёзда трансфер қилиниши мумкин бўлган ўйинчилар рўйхатига “Боруссия Дортмунд” ҳужумкор футболчиси Карим Адейеми, “Айнтрахт” тўпурари Умар Мармуш ва “Вест Хэм” форварди Муҳаммад Қудус киритилган.

Муҳаммад Салоҳ 2017 йилдан бери ливерпулликлар шарафини ҳимоя қилиб келмоқда. 32 ёшли футболчини Саудия Арабистони ва АШҚ клублари ўз сафида кўрмоқчи.