Муҳаммад Салоҳ: Слотдан бунақасини кутмаган эдим...

“Ливерпуль” тўпурари Муҳаммад Салоҳ Юрген Клоппдан кейин жамоани қабул қилиб олиб, юқори даражадаги натижаларни қайд этаётган янги бош мураббий Арне Слот ҳақида фикр билдирди.

- Мен Арне Слот билан бирга ишлаб кўрмагунимча, унинг бу қадар зўр мутахассис эканини билмас эканман. Биз бирга ишлаяпмиз ва унинг  маҳоратига амин бўлдим.

Бош мураббийимиз бирорта майда детални ҳам эътибордан четда қолдирмайди, хато қилса, тан олади, худбинлик қилмайди. Энг муҳими, тактикаларни зўр билади. Унинг бу ана шундай зўр мутахассис эканини кутмаган эдим, - деди Муҳаммад Салоҳ.

Мисрлик тўпурарнинг клуб билан шартномаси 2025 йилнинг 30 июнь куни тугайди. Айни пайтда томонлар ўзаро ҳамкорликни узайтириш бўйича иш олиб бормоқда.