Муҳаммад Салоҳдан “даҳшатли” натижа!

Англия чемпионатининг 20-туридаги марказий учрашув мусобақада пешқадамлик қилаётган “Ливерпуль” ва муаммолар гирдобидан чиқишга ҳаракат қилаётган “Манчестер Юнайтед” ўртасида бўлди.

Бу баҳс 2:2 ҳисобида дуранг натижа билан якунланди.

Беллашувда пенальтини аниқ бажарган Муҳаммад Салоҳ Англия Премьер-лигасининг барча замонлардаги тўпурарлари рейтингида яна бир поғона кўтарилди.

Мисрлик форвард Англия чемпионатидаги голлари сонини 175 тага етказиб олди ва бу кўрсаткич бўйича “Арсенал” афсонаси Тьерри Анри билан тенглашиб олди. Энди бу футболчилар умумий рейтингда еттинчи поғонани бўлишиб турибди.

Салоҳнинг навдатдаги мўлжали Фрэнк Лэмпард. “Челси”нинг собиқ футболчиси фаолияти давомида миллий чемпионатда 177 та тўп киритган.

Жорий мавсум бошидан бери 19 та учрашувда 18 та гол урган Муҳаммад Салоҳ учун Лэмпарднинг натижасини забт этиш ортиқча қийинчилик туғдирмайди.

Англия Премьер-лигасидаги энг зўр тўпурар Алан Ширер ҳисобланади. Англиялик собиқ ҳужумчи рақиблар дарвозасини 260 маротаба ишғол қилган.