Мужибилло Турсунов муддатидан олдин ғалаба қозонди

Тошкентдаги "Ҳумо арена"да бокс бўйича жаҳон чемпионатининг 3-кунги жанглари бўлиб ўтмоқда.

-60 кг вазнлилар баҳсида Мужибилло Турсунов гамбиялик Мэрри Кор билан рингга кўтарилади. Жанг таҳминан 18:25дан сўнг старт олади.

Боксчилар рингга чиқиб келмоқда. Ҳамюртимиз кўк формада. унинг рақиби қизил либосда ҳаракат қилади.

Биринчи раунд бошланди.

Мужибилло раундни яккалик зарбалари бериш билан бошлади. Аммо кейин ҳамюртимиз ҳимояга ўтиб, рақибни кутиб олишга уриняпти. Мэрри Кор жеб зарбаларига таяняпти. Мужибилло эса қарши ҳужумда ҳаракатланмоқда. Турсунов тактик курашда устун. Гамбиялик боксчига нисбатан ҳисоб очилди. Жанг давом этади. Мужибилло яккалик кучли зарбалари бермоқда. Бошга ва тана қисмига иккилик зарбасини ўтказа олди.

Биринчи раунд якунланди. Ҳакамлар вакилимизнинг устунлигини қайд этишди 5:0.

Иккинчи раунд бошланди.

Мужибилло ринг марказини эгаллаган, ҳимоя жойида. Рақибига аниқ зарбаларни йўлламоқда. Ҳамюртимизда ноаниқ зарбалар сони кам, ортиқча ҳаракат йўқ, деса ҳам бўлади. Рақибининг йўллаган зарбалари асосан ҳимояга тегмоқда. Яна ҳисоб очилди. Бўлди, техник нокаут. Мужибилло муддатидан олдин ғалабага эришди.