Муроджон Аҳмадалиевдан навбатдаги ғалаба!
Ads

Бир неча соат авввал, юртдошимиз Муроджон Аҳмадалиев колумбиялик Вильнер Сотога қарши навбатдаги жангини ўтказди. 55,3 кг вазн тоифасидаги 10 раундлик жанг муддатидан аввал якунланди. Жанг 4-раундда тўхтатилди. Техник нокаут билан ҳамюртимиз ғалабани ўз ҳисобига ёзиб қўйди.  

Мазкур жанг Муроджоннинг профи рингдаги 7- жанги бўлди. Маълумки, ушба жангларни барчасида Аҳмадалиев ғалаба қозонган. Сото эса юртдошимиздан анчагина тажрибали бўлиб, бугун у профессионал рингдаги 29-жангини ўтказди. Фаолиятида бугунгини қўшиб ҳисоблаганда етти бора мағлубиятга учраган. 22 та жангда ғалабага эриша олган эди.

Эслатиб ўтамиз: Муроджон Аҳмадалиев икки йўналиш бўйича жаҳон чемпиони америкалик Даниэль Романга қарши жанг олиб бориши лозим эди. Аммо, Романнинг жароҳати сабаб, бу жанг бекор бўлганди.