Муроджон Аҳмадалиевнинг навбатдаги рақиби аниқ бўлди

Профессионал бокснинг биринчи ярим енгил вазн (55.3 кг) тоифасида WBА ва IBF чемпиони бўлиб турган ҳамюртимиз Муроджон Аҳмадалиев (11-0, 8КО) навбатдаги ҳимоя жангини ўтказиши кутилмоқда. IBF ташкилоти Аҳмадалиев ва ушбу йўналишда 1-рақамли мажбурий даъвогар ҳисобланган филиппинлик собиқ жаҳон чемпиони Марлон Тапалес (36-3-0, 19 КО) жангига буйруқ берди. Ташкилот бу ҳақда ҳар иккала боксчиларнинг жамоасига хат юбориб, музокалар олиб бориш учун 25 октябрга қадар муддат белгилади. Агар томонлар белгиланган вақтда келишувга эришмаса, жангни ташкил этиш ҳуқуқи учун очиқ промоутерлик савдоси бўлиб ўтади.

Эслатиб ўтамиз, Аҳмадалиев сўнгги жангида WBА камарини Ронни Риосдан ҳимоя қилиб, муддатидан олдин ғалаба қозонган эди.

Фикрлар

Фикр қолдириш учун авторизациядан ўтинг!
Baxil Alihuja
28/09/2022 12:33
Эхтиёт булиш керак. Тажрибали панчер боксчи охирги жангларини нокаут билан енгган. Лекин узи хам нокаутга учрагани кайд этилган.