Бугун тунда Европада трансфер бозори ёпилади. Унгача “Манчестер Юнайтед” ўнг қанот ҳужумини кучайтирадиган футболчини трансфер қилишга бел боғлаган.

“Боруссия” етакчиси Жейдон Санчо ва “Барселона” футболчиси Усмон Дембелени қўлга кирита олмаган манчестерликлар энди “Бавария” вакили  Кингсли Коман вариантига қайтди.

Бундан ташқари, Сульшер бошқа клублардан таклиф олган ярим ҳимоячи Дэниэль Жеймс ва ҳимоячи Брэндон  Уильямснинг ҳам кетишига рухсат бермайдиган бўлди.

Умуман олганда эса, “Манчестер Юнайтед”нинг бу галги трансфер сиёсати ўзини оқламади. Чемпионлик учун курашиши кутилган жамоанинг ўйин сифатида тушиб кетган ва чемпионатнинг аввалидаёқ икки марта мағлуб бўлди. Айниқса, манчестерликларнинг ўз майдонида “Тоттенхэм”га 1:6 ҳисобида енгилгани жамоа мухлисларига жуда оғир ботди.