МЮ Ўринбоевнинг жамоадошига янги таклиф жўнатди

"Манчестер Юнайтед" "Антверпен"нинг 23 ёшли дарвозабони Сенне Ламменс учун шахсий шартнома шартлари бўйича таклифни яхшилади. Бу ҳақда The Telegraph хабар бермоқда.

Манбага кўра, агар бельгиялик посбон яқин вақт ичида "қизил иблислар"нинг шартларига рози бўлса, трансфер ойнаси ёпилгунга қадар тиббий кўрикдан ўтишга улгуради. Шу билан бирга, "Манчестер Юнайтед" "Антверпен"нинг футболчи учун 20 млн фунтдан (23 млн евро) кўпроқ талаб қиладиган шартларини ҳам бажариши керак.

Ламменс 2023 йилнинг ёзидан бери "Антверпен"да ўйнамоқда. Ўтган мавсумда дарвозабон барча мусобақаларда 44 та ўйинда майдонга тушиб, шундан 10 тасида дарвозаси дахлсизлигини сақлаб қолди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Трансфермаркт порталида келтирилган маълумотларга кўра, футболчининг бозор нархи 9 млн еврони ташкил этади.