МЮ: Погбанинг ўрнини фақат уч футболчи боса олади!

“Манчестер Юнайтед” ёзги трансферлар вақтида таркиби кучайтиради. Сульшер биринчи навбатда кўп гол ура оладиган ҳужумчи олишни истаяпти. Бироқ, янги ҳужумчи фақатгина Поль Погба жамоада қоладиган бўлса харид қилинади.

Агар франциялик юлдуз манчестерликлар сафини тарк этса унинг ўрнига ярим ҳимоячи олинади.

“Манчестер Юнайтед” Погбанинг ўрнини босишга қодир футболчилар рўйхатини тузиб қўйди. Унга кўра, ёзда “Лестер” вакили Уилфрид  Ндиди, “Барселона” плеймейкери Миралем Пьянич ва “Милан”да порлаётган Исмоил Беннасер манчестерликлардан таклиф  олиши мумкин.

Мутахассислар бу футболчилар орасида жазоирлик Исмоил Беннасернинг трансфери амалга ошишининг эҳтимоли катта, демоқда. Чунки 23 ёшли ўйинчининг нархи Пьянич ва Ндидиникидан анча арзон, ўйин сифати эса умуман қолишмайди.