МЮ ва “Челси” Бундеслига вингери учун асосий даъвогар бўлиб туришибди

"Манчестер Юнайтед" ва "Челси" клублари "Кёлн" клуби қанот ҳужумчиси Саид Эл-Малага асосий даъвогарлардан ҳисобланади. Бу ҳақда Caught Offside хабар бермоқда.

Манбага кўра, "Кёльн" 19 ёшли вингернинг келажагига реал баҳо бермоқда ва унинг трансфери бўйича 50-60 млн евролик таклифларни қабул қилишга тайёр.

Жорий мавсумда Эл-Мала барча мусобақаларда 27 та ўйинда майдонга тушиб, 8 та гол ва 4 та голли узатмани амалга оширди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 40 млн еврони ташкил этади.