МЮнинг махсус режаси бор экан

"Манчестер Юнайтед" бош мураббийи Рубен Аморим келгуси мавсумга оид режалар ҳақида фикр билдирди.

- Бизда келаси мавсум учун аниқ ҳаракат режаси мавжуд. Ҳали ҳам Чемпионлар лигасига чиқиш имкониятимиз бор. Бу эса кейинги мавсумга тайёргарликни ўзгартириши мумкин.

Махсус режамиз бор ва нима қилишимиз кераклигини биламиз. Қайси футболчиларни жалб қилиш масаласида ҳам. Европа Лигаси бизнинг стратегиямизни ўзгартириши мумкин, шу боис биз эртанги ўйинга диққатимизни қаратмоқдамиз, - деди Аморим матбуот анжуманида.

Пайшанба куни "Манчестер Юнайтед" Европа Лигаси 1/8 финал жавоб учрашувида "Реал Сосьедад"га қарши майдонга тушади. Агар Рубен Аморим жамоаси ушбу турнирда ғалаба қозонса, Чемпионлар Лигасига йўлланма олади.

Премьер-лига орқали "қизил иблислар"нинг бу мақсадга эришиши имконсиз. Сабаби, улар турнир жадвалининг 14-поғонасини эгаллаб турибди.