МЮнинг собиқ сардори банкрот бўлди

"Манчестер Юнайтед"нинг собиқ футболчиси У’с Браун банкрот деб эълон қилинди. Бу ҳақда Британия ОАВлари, хусусан Daily Mail хабар бермоқда.

Қиш охирида Британия даромад ва божхона бошқармаси (HMRC) Браунни банкрот деб эълон қилган эди. Эндиликда Олий суд ҳам собиқ футболчини банкрот деб топди.

Браун "Манчестер Юнайтед" сафида 1996-2011 йилларда тўп сурган ва 362 та ўйин ўтказиб, ўз ҳисобига 5 та гол урди ҳамда 10 та голли узатмани ёздириб қўйган. Браун “қизил иблислар” таркибида кўплаб совринларни қўлга киритди, жумладан, еттита Премьер-лига чемпионлиги ва иккита Чемпионлар лигаси бош соврини.