Начо Месси билан бир жамоада ўйнаши мумкин

"Реал"ни ушбу ёзда тарк этиши кутилаётган Начо Эрнандеснинг кейинги манзили ҳозирча ноаниқ бўлиб турибди. Аммо унга аллақачон клублар қизиқизшни бошлаган. 

"Relevo" нашри хабар беришича, испаниялик ҳимоячини "Интер Майами" ўз таркибига қўшиб олишга ҳаракат қилмоқда. Унинг ўзи эса фаолиятини қаерда давом эттириш бўйича бир қарорга келмаган. Сабаби, футболчига Саудия Арабистонида ўйнаш ҳам маъул келади. 

Начо катта эҳтимол билан Европада қолмайди. Аммо футболчининг ўзи ҳали "Реал"дан кетаётганини расман эълон қилмади. Унинг фикри ўзгариб қолиши ҳам ҳеч гап эмас, чунки Эрнандес ўтган йили ҳам жамоани тарк этиши кутилаётганди.