Наҳотки! Куртуа финалда жароҳат билан ўйнаган

"Реал" посбони Тибо Куртуа чемпионлар лигаси финалида жароҳат билан ўйнагани маълум бўлди. У Миллатлар лигаси мусобақасида Бельгия терма жамоасига ёрдам бера олмайди. 

"Marca" нашрига кўра, бельгиялик финалга 100% тайёр бўлмаган. У бир неча кун жароҳатдан азият чеккан. 

Шунга қарамай, Тибо айни пайт терма жамоа қайдномасидан ўрин олган. Шифокорларнинг хулосасига кўра, унинг Миллатлар лигасида иштирок этиш ёки этмаслиги ҳал бўлади. 

Эслатиб ўтамиз, Куртуа "Ливерпуль"га қарши кечган финал ўйинида 9 та сейв ижро этди. Шу орқали посбон жамоасининг ажойиб ғалабасига улкан ҳисса қўшди.