Нани: "Фергюсон МЮда етакчи эди ва нимани талаб қилса, биз бажаришимиз шарт эди"

"Манчестер Юнайтед" собиқ ҳужумчиси Луиш Нани ўзининг таниқли мураббийи Сэр Алекс Фергюсон ҳақида фикр билдирди.

"У етакчи эди ва нимани талаб қилса, биз бажаришимиз шарт эди. МЮда ғалабалар маданияти айнан унинг томонидан қурилган. У клубда мутлақ бошлиқ эди. Жуда аъло инсон, ҳеч қачон ютқазишни хоҳламасди ва ёқтирмасди", – деди Нани блогер Алексей Гасилиннинг YouTube-каналида.

Эслатиб ўтамиз, Фергюсон қўл остида "қизил иблислар" Англия чемпионатини 13 марта, Чемпионлар лигасини эса икки марта ютиб олган.

Жорий мавсумда эса "Манчестер Юнайтед" АПЛда 4 турдан кейин 4 очко жамғара олди ва 14-ўринни эгаллаб турибди.