"Навбаҳор" - АГМК учрашувида дуранг қайд этилди

Coca Cola Суперлигаси 25-туридан ўрин олган "Навбаҳор" - АГМК учрашуви ўз ниҳоясига етди. Унда 0:0 ҳисоби қайд этилди.

Ҳар икки жамоа вакиллари баҳс давомида кўплаб ҳужумлар уюштирганлигига қарамай, дарвозалар ишғол этилмади. Гоҳ дарвозабонлар яхши ҳаракат қилган бўлса, гоҳ ҳужумчилар мўлжалда адашди.

Ушбу ўйиндан сўнг "лочинлар" онлайн турнир жадвалининг 9-поғонасида жойлашган бўлса, АГМК 3-ўринни сақлаб қолди.

• Суперлига
• 25-тур

Навбаҳор

0 : 0

29/11/2020 14:30

OKMK

Стадион: Марказий "Навбаҳор" стадиони, 982 томошабин

Бош ҳакам: Аҳрол Рисқуллаев

Батафсил

• 90+5'
  

  Учрашув якунланди! Матнли трансляция Жавоҳир Азимов томонидан олиб борилди.

• 90+3'
  

  Ҳакамнинг қарорига жиддий эътироз билдирган Сайдулло Раҳматов иккинчи сариқ карточкага лойиқ кўрилиб, майдондан четлатилди.

• 90+3'

  "Навбаҳор" яхши стандарт вазиятдан фойдалана олмади.

• 90+2'

  Ҳар икки жамоа вакиллари ҳам жуда катта иштиёқ билан олдинга ўтмоқда. Сўнгги дақиқаларда ҳамма нарса бўлиши мумкин.

• 90'
  

  Ўйиннинг асосий вақтига 5 дақиқа қўшиб берилди.

• 88'
  

  Ўзгариш рўй бермоқда: Абдураҳимов ўрнига Қосимов, Ғофуров ўрнига эса Сулаймонов тушди.

• 87'

  Жарима майдонига узатилган яна бир тўпни мезбонлар дарвозага кирита олмади.

• 84'
  

  Забиҳилло Ўринбоевнинг зарбасидан кейин, тўпни АГМК посбони Валижон Раҳимов ушлаб олди.

• 82'

  Ҳасанов шогирдлари рақиб жарима майдони атрофида штурм уюштирмоқда.

• 80'

  "Навбаҳор" тезкор қарши ҳужумга ўтиб кетишига АГМК ҳимоячиси йўл қўймади.

• 78'
  

  Раҳмонов ўрнига Жўраев майдонга тушди.

• 77'

  Тўпни олдирган Полвонов рақибига нисбатан қоида бузди.

• 75'

  Азиз Турғунбоевнинг марказга узатган тўпи шеригигача етиб бормади.

• 73'

  Жасур Умаров жамоасининг позицион ҳужумини узоқ масофадан йўллаган зарбаси билан муваффақиятсиз якунлади.

• 71'
  

  Иван Соловьёв жарима майдонида рақиби билан тўқнашиб кетди. Унга тиббий ёрдам кўрсатилмоқда.

• 69'
  

  Мате Ватсадзе ўрнига Зафар Полвонов, Санжар Турсунов ўрнига эса Жасур Умаров майдонга тушди.

• 66'

  Тўп назорати тез-тез ўзгариб кетмоқда. Жамоалар ғалаба учун бориши беришга тайёрдек ўйин кўрсатяпти.

• 64'

  Турғунбоев жамоасининг ажойиб комбинациясини ноаниқ зарбаси билан барбод қилди.

• 63'

  Жарима майдонига ёриб кирган Григалашвили йиқилиб тушди. Ҳакам унга ўрнидан туриши кераклигини уқтирди.

• 60'
  

  Ватсадзе жарима майдонига узатма амалга оширди. Бироқ шериклари тўпга ета олмади.

• 58'
  

  Болов яқин масофадан кучли зарба берди. Дарвозабон тўпни ушлаб олди.

• 57'

  Турғвунбоевнинг стандарт вазиятдан берган зарбаси жонли девордан ўтмади.

• 56'

  Мухлисларнинг тинмай қўллаб-қувватлаб туриши наманганликларга катта иштиёқ бермоқда. Улар ўйинга фаоллик қўшяпти.

• 54'

  Соловьёвнинг зарбаси устун ёнгинасидан ўтиб кетди. Мезбонлар жуда хавфли вазият яратишганди.

• 51'

  Иккинчи 45 дақиқаликни олмалиқликлар фаолроқ бошлади.

• 49'

  Жокичнинг зарбасига бироз аниқлик етишмади.

• 48'

  Ватсадзе жамоаси ҳужуми муваффақиятсизлик билан якунланишига сабаб бўлди. Мате на зарба, на пас бера олди.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Танаффус!

• 45+1'

  Турсуновнинг зарбасидан кейин тўп ҳимоячига тегди. Биринчи таймдаги сўнгги вазият ҳам голсиз якунланди.

• 45'
  

  Биринчи бўлимга 1 дақиқа қўшиб берилди.

• 42'

  Сардор Раҳмоновга нисбатан мезбонлар вакили қоида бузди. Ҳакам уни оғзаки огоҳлантирди.

• 40'
  

  АГМК вакили воқеалар ривожидан бироз илгарилаб кетди.

• 39'

  Ҳошимовнинг қўполлигидан кейин футболчилар ўзаро тортиши кетди. Ҳакам вазиятга аралашиб, футболчиларни тинчлантирди.

• 37'
  

  Аҳмедов огоҳлантирилди.

• 36'

  Узоқ масофадан берилган зарбани Юсупов ушлаб олди.

• 34'

  Ватсадзе рақибини алдаб ўта олмади. Акс ҳолда, Мате дарвозабон билан бирга-бир вазиятга чиқиб бориши мумкин эди.

• 32'

  Тўп назорати мезбонларда. Олмалиқликлар прессинг уюштирмоқда.

• 30'

  Ўйин кескин курашлар билан давом этяпти.

• 29'
  

  Бу сафар Тельяков Абдураҳимовга нисбатан қоида бузди. АГМК футболчисига тиббий ёрдам керак.

• 27'
  

  Забиҳилло Ўринбоевга тиббий ёрдам кўрсатилди.

• 26'
  

  "Лочинлар" бурчак тўпидан наф чиқара олмади.

• 25'

  Жарима майдонига узатилган тўпни Юсупов ушлаб олди ва дарҳол жамоасининг қарши ҳужумини бошлади.

• 23'

  Ўринбоев яқин масофадан зарба бера олмади.

• 20'

  АГМК стандарт вазиятдан наф чиқара олмади.

• 17'

  Турсунов марказда рақибига нисбатан қўполлик ишлатди. Тўп яна мезбонларга қайтариб берилди.

• 15'

  "Навбаҳор" фаолроқ кўринмоқда. Уларнинг ҳужумлари хавфлироқ чиқяпти.

• 13'
  

  Дарвозабон билан бирга-бир вазиятга чиқиб борган Болов зарба беришга кечикди. Унинг жуда оддий зарбасини дарвозабон қайтарди. Паншанбе такрорий зарбани йўллади. Бу ҳам ноаниқ.

• 10'

  Григалашвили жарима майдонида йиқилиб тушди. Ҳакам ўйинни давом эттришга рухсат берди.

• 8'

  Ўйин фаол курашлар остида кечмоқда. Футболчилар майдонда борини беряпти.

• 6'
  

  Катта тезликда қарши ҳужумга ўтаётган Турғунбоевни қоиду бузиш эвазига тўхтатиб қолган Сайдулло Раҳматов огоҳлантирилди.

• 4'

  Дарҳол қарши ҳужумга ўтган мезбонлар хавфли вазият ярата олди: Паншанбенинг зарбаси бироз ноаниқ кетди.

• 4'
  

  Бурчакдан етказиб берилган тўпни наманганликлар қайтарди.

• 2'
  

  Илк дақиқалардан мезбонлар фаоллик кўрсатмоқда. Болов ўйиндан ташқари ҳолатда қолиб кетди.

• 1'
  

  Учрашув бошланди!

• 0'

  Футболчилар майдонга тушиб келди. Ўйин футбол афсонаси Диего Марадона хотирасига бир дақиқалик сукут билан бошланади.