"Навбаҳор" собиқ футболчиси Тожикистон чемпиони сафига қўшилди

Ўтган мавсум ярмини "Навбаҳор"да ўтказган ярим ҳимоячи Жавлон Иброҳимов Тожикистоннинг "Истиқлол" жамоаси йиғинига бориб қўшилди. Бу ҳақда жамоа матбуот хизмати хабар тарқатди.

Душанбе жамоаси айни дамда Осиё Чемпионлар лигаси гуруҳ босқичи ва Тожикистон Олий лигаси янги мавсумига тайёргарликни Туркияда ўтказмоқда.

Агар Иброҳимов мураббийлар штабида яхши таассурот қолдира олса, янги мавсумни Тожикистоннинг амалдаги чемпиони сафида ўтказади.