"Навбаҳор" ёзги йиғинни Беларусда ўтказади

"Навбаҳор" клуби эртадан, яъни, 16 июлдан жорий мавсумнинг 2-давра баҳсларига тайёргарликни бошлашади.

Клуб матбуот хизматининг хабар беришича, “Лочинлар” чоршанба тонгида Тошкентдан Беларусь пойтахти Минск шаҳрига жўнаб кетишади. 

Сергей Лушчан шогирдлари давралар оралиғидаги танаффусда Минск шаҳрида ўқув-машғулот йиғинини ўтказишади. Хориж йиғини доирасида “Навбаҳор” назорат учрашувлари ўтказишни режалаштирган.

Рақиб жамоалар ва назорат ўйинларининг санаси борасида кейинчалик аниқ маълумот берилиши хабарда ёзиб ўтилган. 

"Навбаҳор" у ердан 29 июль куни юртимизга  қайтишади.

Маълумот учун, наманганликлар Суперлига 2-даврасининг дастлабки ўйинини  2 август куни Самарқандда “Динамо”га қарши ўтказади.