"Neftchi"dan yana rasmiy xabar. Bu safar klub etakchilaridan biri shartnomani uzaytirdi

Bugun Shoxruz Norxonov bilan shartnoma imzolagan “Neftchi” klubi muxlislari uchun yana bir xushxabarni tarqatdi.

Gap shundaki, jamoaning asosiy o‘yinchilaridan biri hisoblangan Anvar G‘ofurov bilan shartnoma uzaytirildi. Klub matbuot xizmatining xabariga ko‘ra, tomonlar kelishuvga erishgan va kelasi mavsumda ham hamkorlikni davom ettirish yuzasidan shartnoma uzaytirilgan.

Anvarjon G‘ofurov “Neftchi” tarkibida joriy chempionatda 16 uchrashuvda maydonga chiqib, 1321 daqiqa harakat qildi va hakamlar tomonidan uch bor sariq kartochka bilan siylandi. O‘zbekiston Kubogida esa 2 ta uchrashuvda ishtirok etdi.