Нега “Реал” Родрини сотиб олмагани маълум бўлди

«Манчестер Сити» ярим ҳимоячиси Родри яқин вақтларда «Реал» таркибига қўшилмайди. Мадрид клуби унинг трансфери вариантларини кўриб чиққан, аммо охир-оқибат бу ғоядан воз кечган. Журналист Мигель Серранонинг маълум қилишича, қарорга асосий сабаб тиббий хавотирлар бўлган.

Маълумотларга кўра, «Реал» раҳбарияти Родрининг соғлиғи билан боғлиқ таваккаллардан қўрққан. Футболчи 30 ёшга кирган, у олдин ҳам тиззасидан бир неча жиддий жароҳат олган. Шу боис мадридликлар унинг келажакдаги жисмоний ҳолатига тўлиқ ишонч ҳосил қила олмаган.

Шу билан бирга молиявий томон ҳам ҳал қилувчи омил бўлди. «Реал» Родри учун 50 миллион евро атрофида тўловни маъқул деб ҳисоблаган. Бироқ «Манчестер Сити» ўз етакчисини 70–80 миллион евродан камга қўйиб юборишни истамаяпти. Мадрид клуби бу нархни унинг ёши ва жароҳатлар тарихи фонунда юқори, деб баҳолаган.

Натижада тиббий хавфлар ва трансфер нархининг юқорилиги бирлашиб, «Реал»ни Родрини сотиб олиш режасидан бутунлай воз кечишга олиб келди.