Немислар “Сити”нинг марказий ҳимоячисини чақиряпти

“Манчестер Сити”нин энг тажрибали марказий ҳимоячиси Жон Стоунз фаолиятини Германия чемпионатидаги суперклубда давом эттириш имкониятига эга бўлмоқда.

Caught Offside нашри маълумотига кўра, 31 ёшли футболчига Бундеслиганинг амалдаги чемпиони ва энг бадавлат клуби “Бавария” жиддиф қизиқиш билдирмоқда.

Мюнхен клуби мутасаддилари англиялик ҳимоячи “Манчестер Сити” билан шу йилнинг 30 июнида якунланадиган шартномани узайтирмаслигидан умидвор. Улар маҳоратли ўйинчини эркин агент мақомида бепул олишни кўзлаб турибди.

Жон Стоунз 2016 йилда “Эвертон”дан 55 миллион евро эвазига “Манчестер Сити”га кўчиб ўтган эди. Шундан бери у Хосеп Гвардиола қўл остида олти марта Англия чемпиони ва Европа Чемпионлар лигаси ғолиби бўлди, бир қатор нуфузли совринларга эга чиқди.